monumenta.ch > Hieronymus > sectio 5 > sectio 9 > sectio 28 > sectio 3 > sectio 73 > sectio 23 > sectio 9 > sectio 98 > 7 > uwbM.p.th.q.1a.129 > sectio 10 > 9 > 123 > sectio 2 > 204 > sectio 87 > sectio 25 > sectio 18

Word Selection for Searching

Report an Error in this Sectio
Hieronymus, Commentarii, in Danielem, 8, 18
Et dixit ei: Usque ad vesperam et mane dies duo millia trecenti, et mundabitur sanctuarium. Legamus Machabaeorum libros, et Iosephi historiam, ibique scriptum reperiemus, centesimo quadragesimo tertio anno a Seleuco, qui primus regnavit in Syria post Alexandrum, ingressum Antiochum Ierosolymam, et universa vastasse, reversumque anno tertio, in templo posuisse statuam Iovis, et usque ad Iudam Machabaeum, id est, usque ad annum centesimum quadragesimum octavum, per annos vastitatis Ierusalem sex, contaminationis autem templi tres, duo millia trecentos dies, et tres menses esse completos; post quos templum purgatum est.